પવિત્ર યાત્રાધામ પાલીતાણા માં છેલ્લા ૨૦ વર્ષથી મૂંગા જીવની અવિરત સેવા આપતા જીવદયા ગ્રુપ – ગૌસેવા સમિતિ (પાલીતાણા શહેર તથા તાલુકા) દ્વારા ચાલી રહેલા સેવા દળોની સફળ કામગીરી જોઈને, પાલીતાણામાં કાયમી ચાલે તેવી 24×7 ઈમરજન્સી એનિમલ એમ્બ્યુલન્સ વાન (પશુચિકિત્સક સહીત) ની તાતી જરૂરિયાત હતી જે સેવા અવરીત આગળ વધે એમાટેપરમ પુજ્ય રાષ્ટ્રસંત શ્રી ગુરુદેવ નમ્રમુનિ મહારાજ સાહેબની પ્રેરણાથી અર્હમ સેવા ગ્રુપ દ્વારા એનિમલ એબ્યુલેન્સ નું લોકાર્પણ કરવામાં આવ્યું.

પવિત્ર યાત્રાધામ પાલીતાણા ની પાવન ભૂમિ માં ઘેટી ગામ મધ્યે દેરાસરના પ્રાંગણમાં પ.પુ. રાષ્ટ્ર સંત, ગુરુદેવ શ્રી નમ્ર મુનિ મ.સા. પ્રેરિત અર્હમ એનિમલ એમ્બ્યુલન્સ સેવા લાભાર્થી પરિવાર મીત, પ્રિયા, અને સૂચિત મહેતા પરિવાર રાજકોટ ના સહયોગથી પ.પૂ. આજીવન આયંબિલ તપસ્વી આ.ભ.શ્રી હેમ વલ્લભ સૂરીશ્વરજી મ.સા.ના વરદ હસ્તે લોકાર્પણ કરવામાં આવ્યું. આ સેવા માટે અર્હમ સેવા ગ્રુપ – 24×7 હેલ્પલાઇન નંબર 6262808003 પર ઘાયલ પશુ સારવાર માટે કોલ કરી શકાશે. આ પ્રસંગે માનનીય શ્રી મિહીરભાઇ બારૈયા સાહેબ (Dy.SP શ્રી પાલીતાણા) જૈન અગ્રણી શ્રી હિતેશભાઈ અજમેરા તથા શ્રી નરેન્દ્રભાઈ શાહ, પૂ.શરદ બાપુ (શ્રી દયાનંદ ગૌશાળા ઘેટી) શ્રી પ્રવીણભાઈ ગઢવી, અર્હમ સેવા ગ્રુપ ભાવનગર (સમીરભાઈ તથા નિલેશભાઈ) તેમજ પત્રકાર મીડિયા પરિવાર ગૌસેવા સમિતિ ના કાર્યકર્તા મિત્રો વગેરે મહાનુભાવો ની ઉપસ્થિતિ માં આ કાર્યક્રમ ખૂબ સફળ રહ્યો હતો.આ કાર્યક્રમ નું સફળ સંચાલન શ્રી વિજયસિંહ ચૌહાણ દ્વારા થયું હતું તેમજ આ સેવા ચાલુ કરવામાં મુખ્ય જેનો ફાળો રહ્યો છે તેવી સહયોગી સંસ્થા પાલીતાણા ધર્મશાળા એસોસિએશન (હાર્દિકભાઈ તથા રાહુલભાઈ) ગૌ સેવા સમિતિ (ભરતભાઈ તથા કલ્પેશભાઈ) દ્વારા ભારે જહેમત ઉઠાવવામાં આવી હતી.