જૂનાગઢનાં વિસાવદરમાં તાલુકા પત્રકાર એકતા પરિષદની બેઠક મળી સર્વાનુમતે હોદેદારોની નિમણૂક
વિસાવદર તા. 17 જુલાઈ 2022 : ગુજરાતભરમાં પત્રકારો નાં સૌથી મોટા સંગઠ્ઠન એવાં પત્રકાર એકતા પરિષદના જૂનાગઢ જીલ્લાનાં વિસાવદર તાલુકા સમિતિની રચના માટે અંધશાળાના પરિસરમાં તાલુકાના પત્રકારોની એક બેઠક મળી હતી.
આજની ઔપચારિક બેઠકમાં જિલ્લા મથકેથી પત્રકાર એકતા પરિષદના હોદ્દેદારો પ્રદેશ મહામંત્રી – મુકેશભાઈ સખીયા, ઝોન 2 સહ પ્રભારી – વિનુભાઈ પુરોહિત, ઝોન કો ઓર્ડીનેટર – વિનોદભાઈ ચંદારાણા તથા જૂનાગઢ જિલ્લા મહામંત્રી – વલ્લભભાઈ પરમાર ઉપસ્થિત રહ્યાં હતા.
બેઠકમાં ઉપસ્થિત મહેમાનોને સ્થાનિક પત્રકાર પ્રતિનિધિ ઓએ પુષ્પગુચ્છ આપી સ્વાગત કરેલ.ત્યારબાદ મહાનુભવોએ સંગઠ્ઠન વિશે જણાવેલ કે રાજ્ય, જિલ્લા લેવલે કાર્ય કરતી પત્રકાર એકતા પરિષદ પત્રકારોના હિતમાં કાર્ય કરતી સંસ્થા છે. સાથોસાથ સરકારશ્રી પાસે પત્રકારત્વ ક્ષેત્રે જૂની માગણીઓ મૂકેલી તે પૈકી ઘણી માગણીઓ પ્રદેશ ભાજપ પ્રમુખ સી.આર. પાટીલે સ્વીકૃત કરેલ છે. આ ઉપરાંત દરેક પત્રકારો માટે વિનામૂલ્યે વિમા સુરક્ષા કવચ પૂરું પાડવા રાજ્ય પત્રકાર એકતા પરિષદ કટિબદ્ધ છે. તદુપરાંત પત્રકારત્વ ક્ષેત્રે ધ્યાનમાં રાખવા જેવી ઘણી બાબતોની વિસ્તૃત છણાવટ કરેલ.
વિસાવદર તાલુકા એકતા પત્રકાર પરિષદ કારોબારીની રચના કરતા સર્વ સંમતિથી પ્રમુખ તરીકે વરિષ્ઠ પત્રકાર અને વીરભૂમિ સાપ્તાહિકના એડિટર શાંતિભાઈ ગણાત્રાની સર્વાનુમતે નિમણુંક કરવામાં આવી હતી .
સાથે જ પત્રકાર મિત્રોના સંકલનથી તાલુકા કારોબારીની સર્વાનુમતે રચના કરવામાં આવી. જેમાં જિલ્લા પ્રતિનિધિ – સી.વી.જોશી, તાલુકા ઉપપ્રમુખ – હરેશભાઈ મહેતા, ઉમેશભાઈ ઝાલાવાડીયા, મહામંત્રી – વિપુલભાઈ લાલાણી, સંગઠન મંત્રી – કેયુરભાઈ અભાણી, ચંદ્રકાંતભાઈ ચૌહાણ, સહમંત્રી – રાજુભાઈ ગોંડલીયા, આઇ.ટી. સેલ – મુકેશભાઈ રીબડીયા, સલાહકાર બોર્ડના સભ્ય – ગીજુભાઈ વિકમા સહિતનાં પત્રકાર મિત્રો ઉપસ્થિત રહ્યાં હતા અને મહાનુભવોએ નવનિયુક્ત હોદ્દેદારોને શુભેચ્છાઓ પાઠવેલ હતી.
નવ નિયુક્ત પ્રમુખશ્રી શાંતિભાઈ ગણાત્રાએ જણાવેલ કે આગામી સમયમાં જિલ્લા સાથે સંકલનમાં રહી, અને લોકશાહીમાં પત્રકારત્વની ગરિમા જળવાઈ રહે તેવા આપણા સૌના સહિયારા પ્રયત્નો રહેશે. પરિષદની કાર્યશૈલી મુજબ તમામ પત્રકાર મિત્રોને સહકાર આપવા અનુરોધ કરેલ હતો. અને આગામી શનીવારે યોજાનાર જીલ્લા અધિવેશનમાં તમામ મિત્રો સહિત હાજર રહેવા અને તમામ સહયોગ આપવાની ખાત્રી આપેલ હતી..
