જામનગર જીલ્લા પોલીસ અધિક્ષક શ્રી પ્રેમસુખ ડેલુ સાહેબ નાઓની સુચના તેમજ એલ.સી.બી. ના પોલીસ ઇન્સપેક્ટર શ્રી કે.જે.ભોયે સાહેબ નાઓના માર્ગદર્શન મુજબ પેરોલ ફર્લો સ્ક્વોડના પોલીસ સબ ઇન્સપેક્ટર શ્રી એ.એસ.ગરચર તથા પોલીસ સ્ટાફના માણસો પેરોલ ફર્લો/નાસતા ફરતા ગુનેગારોને શોધી કાઢવા અંગેની ડ્રાઇવ દરમ્યાન જરૂરી વર્કઆઉટ કરી રહેલ હતા, દરમ્યાન પેરોલ ફર્લો સ્કોડ પોલીસ સ્ટાફના ગોવીંદભાઇ ભરવાડ તથા સલીમભાઇ નોયડા તથા કાસમભાઇ બ્લોચ તથા ધર્મેન્દ્રભાઇ વૈષ્ણવ નાઓને બાતમી મળેલ કે કાલાવડ ટાઉન પોલીસ સ્ટેશન ગુના નં.-૮૫૮/૨૦૨૧ ઇ.પી.કો. કલમ-૪૦૬-૪૨૦-૧૧૪ મુજબ ગુનાના કામે નાસતા ફરતા આરોપી મહેશ કાનજીભાઇ કોલડીયા રહેવાસી-કામરેજ સુરત વાળાએ ફરીયાદી શબીરહુસેન ડગરી રહે કાલવાડવાળાની ઇન્ડીયા સેનેટરી નમાની દુકાનમાથી લોખંડના સળીયાની ૪૫ ભારી કિ.રૂ.-બે લાખ સાતસો નહી ચુકવી વિશ્વાસઘાત છેતરપીંડી કરી આ ગુનામા નાસતો ફરતો હોય અને હાલ આ આરોપી રાજકોટ જિલ્લાના શાપરમા શાપર ચોકડી ગોંડલ રોડ પર સરદાર હાઇટસ સી વીંગ બ્લોક નંબર ૯૦૪ પાસે હાજર હોય અને નાસી જવાની પેરવી કરતા હોવાની હકીકત મળતા તે જગ્યાએથી આ આરોપી મહેશ ઉર્ફે મયલો ડાકુ કાનજીભાઇ કોલડીયા પટેલ ઉ.વ.-૪૪ ધંધો-વેપાર રહેવાસી-કામરેજ સુરત તથા શાપર ચોકડી સરદાર હાઇટ તા.જી. રાજકોટ વાળાને પકડી પાડી કાયદેસરની કાર્યવાહી થવા સારૂ કાલાવડ ટાઉન પોલીસ સ્ટેશન ખાતે સોપી આપેલ છે.
ઉમેશ માવાણી – જામનગર
