બનાસકાંઠાના કાંકરેજ ખોડામાં ગઈકાલે પડેલા ભારે વરસાદને પગલે શાળા, આંગણવાડી, પંચાયતમાં પણ ભરાઈ ગયા પાણી
ભારે વરસાદના પગલે ઘરોમાં પાણી ભરાઈ જતા ઘરવખરીને ભારે નુકસાન પહોંચ્યું હતું. ગઈકાલે પડેલા વરસાદના કારણે નીચાણવાળા ગામોમાં ઘૂંટણ સમા પાણી ભરાઈ ગયા હતા. ખેડાગામમાં નીચાણવાના વિસ્તારમાં પાણી ભરાતા સ્થાનિક લોકોનું સ્થળતર કરવામાં આવ્યું હતું. છેલ્લા બે દિવસથી પડી રહેલા વરસાદને કારેન સર્વત્ર પાણી જ પાણી થઇ ગયું છે.
તો બીજી તરફ બનાસકાંઠામાં પડેલા ભારે વરસાદના કારણે ડીસાના ગ્રામ્ય વિસ્તારના ખેતરોમાં પાણી ભરાઈ જતા બેટમાં ફેરવાઈ ગયા હતા. ડીસાના મોટી આખોલ,ગલાલપુરા, માલગઢ,કંસારી, પેપળુ,રાણપુર,પરબડી સહિતના અનેક ગામોમાં ખેતરોમાં ફરી વળ્યા પાણી. ખેતરોમાં કમર સુધી પાણી ફરીવળતા ખેડૂતોને મુશ્કેલીનો સામનો કરવો પડ્યો હતો. સતત પડેલા વરસાદના પગલે ડીસાના ગલાલપુરના ખેડૂતના ઘર સુધી પહોંચ્યા હતા પાણી.
ભારે વરસાદ પડવાને કારણે ઘાસચારો, પશુધન માટેનો સમાન પાણીમાં ડૂબી ગયા હતા. આ વરસાદમાં 25 વીઘામાં વાવેલ મગફળીના પાક કમર સુધી પાણીમાં ગરકાવ થઇ ગયા હતા. ભારે વરસાદથી થયેલા નુકશાન માટે ખેડૂતોએ સરકાર પાસે સહાયની માંગ કરવામાં આવી હતી.
